თბილისის ადამიანის უფლებათა სახლი: ქართული კანონმდებლობა ეკომიგრანტებს სამართლებრივი დაცვის გარეშე ტოვებს

საქართველოს ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვილთა სამინისტროს ოფიციალური მონაცემებით, საქართველოში სტიქიური მოვლენების შედეგად დაზარალებული 35 204 ოჯახია რეგისტრირებული. ამათგან, 11 ათასი ოჯახი ბუნებრივი კატასტროფებისაგან დანგრეულ ან საცხოვრებლად უვარგის სახლში ცხოვრობს და სასაწრაფო განსახლებას საჭიროებს. თუმცა, მათ მიმართ არც ეკოლოგიური მიგრაციის მართვის გრძელვადიანი სტრატეგია არსებობს და არც შესაბამისი კანონმდებლობა, რაც საერთაშორისო სტანდარტებს ეწინააღმდეგება და შედეგად, ეს ადამიანები სოციალური დაცვის გარეშე რჩებიან.

თბილისის ადამიანის უფლებათა სახლში ეკომიგრანტების პრობლემებს მრგვალი მაგიდა მიეძღვნა

2011 წლის 6 აპრილს თბილისის ადამიანის უფლებათა სახლში ეკომიგრანტებისა და სტიქიით დაზარალებული მოსახლეობის პრობლემებისადმი მიძღვნილი მრგვალი მაგიდა გაიმართა.  მიგრაციის საკითხთა სამოქალაქო კოალიციის წევრებმა ისაუბრეს იმ ძირითად პრობლემებზე, რაც სტიქიური მოვლენების შედეგად დაზარალებულ მოსახლეობასა და ეკო მიგრანტებს გააჩნიათ საკანონმდებლო ხარვეზებისა და ერთიანი სახელმწიფო სტრატეგიის არ არსებობის გამო.

ანონსი: მრგვალი მაგიდა ეკომიგრაციის საკითხებზე

6 აპრილს თბილისის ადამიანის უფლებათა სახლი გეპატიჟებათ მრგვალ მაგიდაზე.

თემა:  ეკომიგრაცია საქართველოში

ძირითადი მომხსენებლები:

რეზო გეთიაშვილი -  CENN-ის პროექტების კოორდინატორი;

რუსუდან მჭედლიშვილი – კონსტიტუციის 42-ე მუხლი, პროექტ – ,,საქართველოს კანონმდებლობის სრულყოფის” – სამართლებრივი მრჩეველი;

სოფო ბენაშვილი -  სახალხო დამცველის ოფისის მართლმსაჯულების დეპარტამენტის უფროსის მოადგილე.

შეხვედრა გაიმართება 2011 წლის 6 აპრილს, 14:00 საათზე.

მისამართი: თბილისი, ნიკო ნიკოლაძის ქ. #7 (შემოსასვლელი ეზოდან)

თბილისის ადამიანის უფლებათა სახლი

ტელ: (+995 32) 93 52 27

დამარხვის საფრთხე: 15,000,000 მ3 მიწა – ყვარლის თავზე (CENN)

ყვარელში, დურუჯის ხეობაში, ეკოლოგიური კატასტროფაამოსალოდნელი. რაიონულ ცენტრს და მის მიმდებარე სოფლებს 12-15მილიონი კუბური მეტრის მოცულობის სელური ნაკადი ემუქრება,რომელიც ბოლო 20 წელიწადში დაგროვდა.

ნაპირსამაგრი სამუშაოებისთვის 70 მილიონი ლარია საჭირო (GHN)

ნაპირსამაგრი სამუშაოების სრულად მოსაგვარებლად 70 მილიონი ლარია საჭირო. ამის შესახებ დღეს, პარლამენტის რიგგარეშე პლენარულ სხდომაზე დებატების დროს რეგიონალური განვითარებისა და ინფრასტრუქტურისმინისტრმა რამაზ ნიკოლეიშვილმა განაცხადა.

“მას შემდეგ, რაც ნაპირსამაგრი სამუშაოები ჩვენს სამინისტროებში გადმოვიდა, ყველარაიონში სპეციალისტი გაუშვით და ვიცით, რა მოცულობის ნაპირსამაგრი სამუშაოებთანგვაქვს საქმე. 70 მილიონი ლარია საჭირო, რომ დალაგდეს ვითარება”, – აღნიშნა ნიკოლეიშვილმა.

მისი თქმით, 2011 წლის სახელმწიფო ბიუჯეტში ნაპირსამაგრი სამუშაოებისთვის 5მილიონია გამოყოფილი და ეს თანხა იმ სამუშაოებს მოხმარდება, სადაც შეიძლება ცუდიშედეგები დადგეს.
“პირობას ვდებ, რომ არც ერთი თეთრი უმიზნოდ არ დაიხარჯება”, – აღნიშნა მინისტრმა.

ეკომიგრანტებთან დაკავშირებით კანონმდებლობაში შესაძლოაცვლილებები შევიდეს (GHN)

მიგრაციის საკითხთა სამოქალაქო კოალიციის წევრები პარლამენტის თავმჯდომარის მოადგილე ანზორ ბოლქვაძესთან შეხვედრისას ეკომიგრანტებთან დაკავშირებით კანონმდებლობაში ცვლილებების შეტანის ინიციატივით გამოვიდნენ.

მათი განცხადებით, ბოლო წლებში საქართველოს მთავრობის მცდელობის მიუხედავად,რომ საცხოვრებელი სახლებით დააკმაყოფილოს სტიქიის შედეგად დაზარალებული  მოქალაქეები, მათ ირგვლივ არსებული საკანონმდებლო ვაკუუმი ხელ-ფეხს უკრავს როგორც სახელმწიფოს, ასევე დონორ საერთაშორისო ორგანიზაციებს და უშუალოდ ეკომიგრანტებს.

კოალიციის წევრები პარლამენტის ვიცე-სპიკერს და მაჟორიტარებს შეხვდნენ

24 მარტს მიგრაციის საკითხთა სამოქალაქო კოალიციის წევრები საქართველოს პარლამენტის ვიცე-სპიკერს ანზორ ბოლქვაძეს და მაჟორიტარ დეპუტატებს შეხვდნენ. შეხვედრაში მონაწილეობა ჩოხატაურის, ონის, დედოფლისწყაროს, ხელვაჩაურის, ქედის, შუახევის და ხულოს რაიონის მაჟორიტარებმა მიიღეს.